NDA nung nisung kari Narendra Modi nem PM meinyaktsünür

Patna, Luroi (August) 31 (Agencies): National Democratic Alliance (NDA) nung nisung kari 2019 nung Narendra Modi nem Prime Minister meinyakdaktsünür, ta tanü BJP den yariteper Rashtriya Lok Samta Party tanishir Upendra Kushwaha-i ashi.
Pai nisung tenüngtembo metetshi saka item nisungtem jagi NDA teloktep nung mepetmesü adokdaktsütsü atema olulutem prokshir ta ashi.
Upendra Kushwaha ya Minister of State for Human Resource Development inyaker.
“NDA nung nisung kari Modi tanaben Prime Minister inyaktsü memulunger. Item nisung jagi NDA nung mepetmesü adodaktsütsü atema olulutem prokshir” ta pai ashi.
Par party-ibo Narendra Modi nem tanaben prime minister inyakdaktsünür, ta Kushwaha-isa ashi.