NDA sorkar küm 4 ajungba tenüng nung Rio-i süngdong atem

Kohima, Aami (June) 6 (TYO): Centre nung BJP-i aniba NDA sorkar küm pezü ajungba tenüng nung tanü Nagaland Chief Minister, Neiphiu Rio-i anir pa indang official residential complex nung süngdong atem.
Iba mapang Planning & Coordination Minister Neiba Kronu, North Eastern Council (NEC) Secretary Ram Muivah aser NDPP working president Alemtemshi Jamir nungertemia Chief Minister den külemi shilem agi.
“Centre nung NDA sorkari ita 48 tembanga inyakba atema süngdongtem atemer” ta Rio-i Twitter nung metetdaktsü.
Sorkari taruba hopta ka tsüngda state kübok tesem balala nung süngdong 48,000 atemtsü aser Clean & Green kümdaktsütsü, ta paisa ashi.
Tanü agiba sentong nung Department of Environment, Forest & Climate Change nungi ketdangsertema aden.