NDA sorkar küm ana ajungba nüngtem nung Modi-i ken ka sayaogo

New Delhi, May 20 (Agencies) : NDA sorkar yimsüsü tenzüker küm ana ajungba nüngtem nung aser par sorkari inyaktetba dak ajemdaker, India Ato Kilonser Narendra Modi-i ken ka sayaogo.
Iba ken tenüng “Ozü linük melenshidar…tejakleni odar” (Mera desh badal raha hai… aage badh raha hai) lir aser Ato Kilonseri Hokolbarnü iba ken pa indang twitter account @narendramodi nung inoktsüogo.
Iba ken nung NDA sorkari LPG agütsüba, tetsür nem kaket shisatsü agütsüba, aluyimertemi tsünütetbatem atema insurance agütsüba aser yimtsüngtem nung gari lenmang lapoktsüba tem densema sensakertem atema inyaktsüba mejemloka lir.