New Delhi, January 27 (Agencies): Bodhbarnü sayaba opinion poll ka ajanga BJP-i aniba NDA sorkar yimsüsübaji ‘above average’ ta sayuogo, ajisüaka Ato kilonser Narendra Modi bo iba jenjang dang nungjagi tajungba sayuogo.
ABP News-Nielsen-i ketdangsüa agiba opinion poll nung telangzür shilem 46-i Centre sorkarji kanga junger mesüra junger ta langzü, aser shilem 54-i Modi ji kanga junger mesüra junger ta langzü.
Opinion poll ajanga ashiba agi, asüng Lok Sabha election agi nunga NDA-i vote shilem 38 angutsü, aser ibaji Lok Sabha menden 301 asütsü. Yaküm May ita nung NDA-i menden 339 ngua liasü.
Kasa poll ajangasa, Congress-i aniba UPA sorkari vote shilem 28 angutsü aser ibaji menden 108 asütsü. Taoba election nung UPA-i menden 62 dang ngua liasü.
Maneni poll ajanga, asüng Lok Sabha election agi nunga BJP-i vote shilem 43 angutsü, Congress-i vote shilem 14 aser Aam Aadmi Party (AAP)-i vote shielm 4 angutsü, ta sayuogo.
Iba survey ya linük nüburtem melung angatettsü nükjidong nung agiba liasü.
Vote agütsür shilem 47-ibo Modi nüngtugu akümba tenüng anogoshia ajema akumer ta langzü saka shilem 45-ibo Modi anogoshia nüngtuguba akumer ta langzüa liasü.
You must be logged in to post a comment Login