NDFB mokdangba ajanga Udalguri nung kongshi

Udalguri, January 31 (Agencies): National Democratic Front of Boroland (NDFB) chairman Ranjan Daimary taküm piyong tepuokdak ayutsü temerenshi agütsüba anema tanü NDFB-i ghonda 12 Assam mokdangdang Udalguri district ajungalen azüngazünga liasü.
October 30, 2008 nü Assam nung bomb atongtepa pokdaktsüba ken o nung CBI Special Court kati Bodbarnü NDFB Ranjan Daimary (DR Nabla) aitsü.
Tanü Udalguri nung shishilembadak ajak shidang aser garitema mesenzü.
Bodbarnü okadangi oshidang agütsüli Udalguri nung shishilembartemi dokantem shibang.
Iba district kübok tensa azüoka ayutsü atema paramilitary aser police forces aika mapa lemzüktsü.
Parnok chairman Ranjan Daimary tepuokdak yura India sorkar den yimjung olemtep nung timtem ajurutsü ta NDFB-i shia lir.
Ranjan Daimary ya 2010 küm apu saka 2013 nungi yimjung olemtep tenzükba sülen pa bail nung chioka liasü.