NDFB(S) ‘commander’ ka den bodyguard apu

Kajalgaon, September 25 (Agencies) : Assam kübok Chirang district nung NDFB(S) commander ka den pa personal bodyguard apu, ta tanü police-i metetdaktsü.
Osang kar angazükba sülen police aser army telok kati Morabari arem mita aodang tenaji apu, ta police-isa ashi.
NDFB(S) commander ji Rabi Basumatary (Rongabaja) aser pa indang personal bodyguard ji Jwnglaw Narzary (Jekhai) na lir ta jangjaogo, ta BTAD IGP LR Bishnoi-i ashi.
Tena ket nungi AK-56 rifle ka, AK injang round 170, INSAS injang round 50 aser grenade pezü ngutetogo, ta Bishnoi-isa ashi.
September 26, 2013 nü Kokrajhar district kübok Rupsi outpost nung inspector-in-charge Narayan Barman kahsetba mapa nung Basumatary densema liasü.