NDPP 2 Dimapur II unit-i ayongzüka azü tenlaba camp agi

Dimapur, Luroi/August 17 (TYO): Wb. Supu Jamir lenisüba nung tanü NDPP 2 Dimapur II unit office-i ayongzüka Civil Hospital, Dimapur nung azü tenlaba camp ka agiogo, ta osang ka ajanga metetdaktsü.
Iba dak sendakba nung Supu Jamir-i, azü tenlaba camp ayongzükba ya teyak-asangtsü atema masü saka sensotem taküm kümzüktsü nükjidong nung ayongzük, ta metetdaktsü.
Paisa, azü tenlaba dak alema tanga tenla tuluba mali, ta shia azüa tenlar ajak dang pelaba lemsatep. Paisa senti takümtem kümzüktsü atema ajaki azü tenlatsü ayongzük.
NDPP 2 Dimapur II unit Tir, R. Sanen Longkumer-i temeimer ajak, Lucy P Akokla leniba nung NDPP central aser Asangla Imli leniba nung NDPP Dimapur region dang pelaba lemsatep.
Iba sentong ya 2 Dimapur II youth organisation NDPP-i achaayanga liasü.