NDPP 5 Ghaspani-II A/C-i amitsür nem teyari agutsü

Medziphema, Luroi/August 17 (TYO): NDPP Women Organisation, Dimapur region leniba kübok Dimapur nung amenoka aliba telok, Mercy Society-i tajung Samaria mapa inyaka tesem nung sensakertem aser amitsürtem nem jang angati lema agutsü, ta NDPP 5 Ghaspani-II A/C Media Secy., Thejangukho Yalietsu-i sangdong ka ajanga metetdaktsü.
Luroi/August 15, 2018 nü NDPP Women Organisation, 5 Ghaspani-II A/C lenisüba kübok Medziphema nung mission mapa inyaka tajangzük angutsü temsüa alir nisung 30 nem jang angati agutsüogo.
Ano tanga sangdong ka nung Women Organisation, NDPP 5 Ghaspani-II A/C,President, Megozomeü Khate aser Secretary, Chinnu Chongloi natia Mercy Society aser NDPP Women Organisation, Dimapur Region-i temeim mapa tajung inyakba atema pelaba lemsatepogo.
Kasa sangdong ajanga, “temeim mapa inyakbaji memoatsüi malitsü” ta shia sensotem dang pei kiyong nung temeim mapa inyaktsü ayongzük.