NDPP Central Youth Organisation-i asükhu lemsatep

Dimapur, Mongputeni/October 8 (TYO): October 8 nü secretary, asür Atseibou Soliezuo asüba osang angazüka temulung mepalai bilemba NDPP Central Youth Organisation-i lemsatepogo.
Zhadima yimtsüng nungi asür Atseibou iba lima nungi pilaa aoba ajanga Central Youth Organisation nung temulunglemteta aser bendanga agüja inyakba lenir ka dang masü saka lanur lenir tajung ka samaogo, shibai lokti asoshi bendanga agüja inyaka aruogo.
NDPP Central Youth Organisation-i asür Atseibou Soliezuo’er kinungertem den asükhu lemsatepba den mangyima tejashi tia nung aliba mapang Tsüngremi parnok nem tesunep agüjang ta sarasademtsür. Pa tanüla tesunep nung anisüngzükdakjang, ta NDPP Central Youth Organization Media & Communication Cell sangdong ka ajanga metetdaktsü.