NDPP den lokti balalai Dmr nung tzü metsüngba tesemtem semdang

Team-i Council züngsemtem den shisa lemsatepba noksa nung angur.

Dimapur, Luroi/August 03 (TYO): Tzü metsüngba ajanga nüburtemi timtem ajangshiba atema tebilemtsü kaa Wb. Subo Jamir leniba nung yimtenren party NDPP aser Dimapur nung aliba lokti tentet balala nungi team kati tanü Dimapur nung tzümetsüng agi kongshiba tesemtem semdangogo.
Parnoki Zeliangrong village, SM colony aser Lotha colony semdang aser item colony nung council züngsemtem ajurua shisa lemsatepa liasü.
Parnoki takoksa ajururtem dang sorkar nungi teyari agutsütsü atema akokba tashi inyaktsü ta nangzükba den külemi tarutsü atema bilema tzü metsüngba nokdangtsü atema mera agia inyaktsü ayongzük.
Parnokisa, kilentzü aodak yanglutsü densema terenlok mapa balala inyaktsü asoshi senso shia pei li peria tenlatsü melungtsüla, ta ayongzüka liasü.