NDPP-i Imnatiba aser L Khumo na party nung agizükogo

Kohima, March 21 (TYO): Tanü NDPP-i Wb. Imnatiba aser L. Khumo na party nung agizükogo, kechiyong parnoki NDPP den loktepogo, ta NDPP, Media & Communications Committee-i sangdong ka nung metetdaktsü.
“Iba ya ajanga Chief Minister Neiphiu Rio aser Deputy Chief Minister Y. Patton nati aniba PDA teloktep sorkar tashi itshitsü. Iba ya ajanga sorkar tashi aittsü aser PDA sorkaria lenla ajaklen terenlok agütsütsü atema rangloker inyaktettsü,” ta sangdong nung shia lir.
“Chief Minister aser Party President Chingwang Konyak na lenniba nung NDPP pur ajaki MLA ana den parnok busemertem party nung pelaa agizüker. Iba teloktep aser tetemsü lennir ana ajanga asen lokti ajungkettsüba nung shilem tulu agitsü, ta onoki imlaa atar,” ta kasa sangdong ajanga metetdaktsü.