NDPP-i pelaba sangdonger

Kohima, November 01 (TYO): October 31, 2019 nü India sorkar aser NSCN IM na tsüngda ken o jembiba nungi telemtetba agibaji Nationalist Democratic Progressive Party (NDPP) Tiri anir party pur ajaki kanga pelaa agizüker, ta NDPP Media & Communication Committee sangdong ka nung metetdaktsü.
“Ken o jembiba nung shilem agir ajaki shisaa inyaktsü aser Naga nunger atema yimtenren ken o tajungtiba nung latettsü atema NDPP-i imlar. NDDP-isa telok ajak dang stakehoolders ajak dendakja ajaki agizüktettsüsa yimten ken o latettsü atema longjemer inyaktsü ayongzüker. NDPP-isa asen lima nung yimjung alitsü atema putiotsü tezüngzüktep agitettsü asoshi stakeholders, Tribal Hohos, lokti tentettem, melungtet teloktem aser Arogoi nungita inyakba atema pelaba lemsateper,” ta NDPP sangdong nung shia lir.
“Tsüngremi asen lenirtem nem shisa tajung agütsüba atema onoki Tsüngrem nem tenüngsang agütsür aser telongjem, democracy, secular nung ajemdaker Nagaland tasen ka tentettsü atema maneni sarasademer,” ta kasa sangdong nung shia lir.