NDPP-i PWD (R&B) nem tenüngsang agütsür

Dimapur, Monupii (May) 2 (TYO): Public Works Department (R&B)-i SRDP 2017-18 senotsü belenba ken o dak sendakba nung osang tejangja metetdaktsüba atema tenüngsang agütsür, ta Media & Communication Committee, NDPP sangdong ka nung metetdaktsü.
Department-i tashishitsü melii mapa inyakba aser administrative approval agia mapatem reprangshiba atema pelar ta NDPP-isa ashi.
Taoba sorkari work order mesüra progress report indang osang kecha magütsüi dang contractor tem nem sen agütsüba tang temai adokogo. Parnoki mapa meinyakaka contractor tem nem sen agütsü aser ibaji sorkar inyakyim aser ozüngtem lateta aliba alema inyakba lir, ta NDPP-isa metetdaktsü.
Mapa meinyakaka aser ozüng lateta aliba ama mesüi kodaser contractor tem nem public sen agütsü? Taoba DAN sorkar mapang department-i inyakyim nung aliba ama mesüi inyaka lira, iba atema bushisüngdang ka asütsüla aser aibelenertem ozüng tapet agi merenshitsüla, ta NDPP-isa takhangba agütsü.