NDPP-i taoba NPF Wokha Division Tir den lenirtem agizük

Kohima, Nov. 13 (TYO): Nov. 9, 2019 nü NDPP-i NPF Wokha Division nung taoba mapang President, Monthang Patton aser Naga People’s Front nung primary aser active membership ajak nungi anener office ketdangpurtem pelaa agizükogo; parnoki Chief Minister, Neiphiu Rio aser NDPP Tir, Chingwang Konyak na lenisüba nungittsü atema telemtetba agia liasü, ta party osang ka ajanga metetdaktsü.
Wokha district nungi lenirtemi NDPP nung adentsü atema telemtetba agiba ajanga party kanga tajangzük angutsü aser tashi itshitsü; iba ya ajanga nüburtemi NDPP den Neiphiu Rio aser Chingwang Konyak nunger lenisüba nung melung alemba sayur, ta kasa osang nung shia lir.
Parnok NDPP nung adenba ajanga tarutsü nung Wokha district aser Nagaland nung party tejakleni oa jenjang tajungba akümtsü amanger, ta kasa osang ajanga metetdaktsü.