NDPP Mokokchung Region-i jangjatsür

Dimapur, Yimpoksüi (November) 26 (TYO): 26th Aonglenden A/C Bye-Election nungi tokteptsü bilema aliba candidate Lipokzulu-i social media nung Nationalist Democratic Progressive Party Mokokchung Region indang letter head tim mesüi amshi ta Mokokchung Region-NDPP-i metetdaktsü.
Party lennir tejen kati yamai tebilemtsü melii mapa inyakba magizüker aser temelaba magii adokba kaket ajanga party lennirtem aser züngsemtem manisadaktsütsü mepishir ta NDPP Mokokchung Region President N. Bendang Jamir-i ashi.
Party ticket dak sendakba nung NDPP Mokokchung Region-i central Office tetuyuba sülen anidaktsü aser Region Office-i Lipokzulu ket nungi 26th Aonglenden A/C indang In-charge mapa agiener, ta N. Bendang Jamir-isa metetdaktsü.