NDPP Tuensang Region-i NPP ketdangpurtem pela agizüker

Dimapur, March 27 (TYO): Nationalist Democratic Progressive Party (NDPP) Tuensang Region-i Tuensang Division nung NPP ketdangpurtem pelashishia agizüker, ta sangdong ka nung metetdaktsü.
Chief Minister Neiphiu Rio, Deputy Chief Minister Y. Patton, President NDPP Chingwang Konyak aser Minister C. M Chang nunger lenisüba kübok PDA sorkar tashi itdaktsütsü atema NPP toktsür NDPP nung adenertem pelashishia agizüker, ta NDPP Tuensang Region sangdong nung shia lir.
Lok Sabha aser 26 Aonglenden bye-elections nung NPP-i candidate yokba atema tejashi nung NPP lennirtemi party toktsü. Parnoki NDPP President Chingwang Konyak lia Chief Minister Neiphiu Rio den ajurutepogo aser PDA candidate tem aser PDA sorkar posema nungittsü ta nangzük, ta sangdong nungsa shia lir.
Chief Minister-i parnok ajak pelaa agizük aser nübortem asoshi inyaktsü lemtetba atema tenüngsang agütsü. PDA sorkar ya nübortem indang sorkar lir anungji tashi taitba akümtsü ta paisa shisem, ta NDPP Tuensang Region-i metetdaktsü.