NDRF ajanga Kohima nung mürekmeju

Kohima, Rongchii/April 20 (TYO): Arun Deogam (Commandant), NDRF Doimukh, Arunachal Pradesh totuyuba kübok 12th BN NDRF Doimukh indang sub team kati COVID-19 tashidak wara prokshiba nungi nokdangtsü mechi April 20, 2020 nü Kohima nung aliba Secretariat nung mürekmejua mesen tepsetba mozü akha.
COVID-19 aser iba amala tashidak wara linük nungi samadaktsütsü mechi linük tenzüktsü asoshi NDRF pur teti renema lir aser maneni inyaktsü, ta Sub inspector K. P. Singh (team leader) ajanga ashi.
Paisa ashiba agi, 12th BN NDRF ajanga sodium hypochlorite (NaOCl) aser tzü meyoktepba mozü ya CM Office, Conference Hall, Video Conference Room, SBI Office, NSDMA Office, Guard Room (CRPF) aser Main Control Room amala nung akha.