New Delhi, August 28 (Agencies): Tzümetsüng lendong aliba state ana- Bihar aser Uttar Pradesh na nung NDRF teams-i nisung 53,000 tzümetsüng aliba tesemtem nungi kümzükogo, ta osang ka ajanga metetdaktsü.
Item state nung tzünglu sashia arua tzümetsüng aliba tesemtem nungi nisungtem kümzüktsü atema National Disaster Response Force (NDRF)-i rescue & relief team 75 nem mapa lemzükja liasü. Item team shia nung züngsem 40 liasü.
Iba den külemi state anaprong nungi Deputy Inspector General-rank ketdangser ananai iba tensa mita reprangtsü tuyua liasü.
“Tang tashi nung NDRF teams-i nisung 53,000 kümzüka aienshidaktsüogo aser nüngdakbapur nisung 12, 200 nem medical teyari agütsüogo. Operations maneni inyakdar,” ta NDRF osang ajanga ashi.
National Disaster Response Force team temji Bihar nung Munger, Samastipur, Begusarai, Fathuha, Patna, Bhagalpur, Didarganj, Danapur, Bakhtiyarpur, Buxar, Vaishali aser Chhapra nung lemzükja nisung 1,748 kümzüka aienshidaktsüogo.
Iba denji kasa Uttar Pradesh nunga NDRF team temi Allahabad, Banda, Gazipur, Varanasi aser Ballia district tem nung nisung 2,163 kümzüka aienshidaktsüogo.
Ano North Sikkim, Mangam nung kasa team-i nisung 280 kümzüka aienshidaktsüogo, ta kasa osang ajanga metetdaktsü.
NDRF headquarters nung aliba control room nungi stakeholders ajak den amalitepa inyakdar. Control room contact ji: 011-24363260/24363261 lir aser metetpelatsü atema email ID ji: hq.ndrf@nic.in lir.
Tan hopta tetenzüklen Ato kilonser, Narendra Modi-i tzümetsüng agi konghsia aliba state tem nung rescue & relief operations maparen nung akokba tashi agi yaritsü, ta shiogo.
Modi-isa, Union Home Minister, Rajnath Singh-i item state chief minister tem den jembiogo aser tensa repranga atadar, ta metetdaktsü.
You must be logged in to post a comment Login