Agartala/Guwahati, January 31 (Agencies): Assam, Tripura aser Manipur chief minister tem den külemi MP aser BJP lennirtemi Delhi assembly elections atema nübo yimtsütsü.
February 8 nü Delhi assembly elections agitsü lir aser iba atema Assam Chief Minister Sarbananda Sonowal, Tripura Chief Minister Biplab Kumar Deb aser Manipur Chief Minister N. Biren Singh nungertemi BJP atema nübo yimtsütsü, ta party osang ka ajanga ashi.
“Chief Minister tem dak alia Northeast nungi MP aser BJP lennir tejen aikati Delhi election nüboyimba nung shilem agitsü” ta parnokisa ashi.
Tripura Chief Minister-i February 3 nungi 5 tashi Delhi nung oa shilem agitsü.
Delhi nung northeast nunger vote enoktsür nisung meyirjang aika lir.
Züngsem 70 agi akümba Delhi Assembly indang election February 8 nü agitsü aser iba sülen February 11 nü votes azüngtsü.
NE CM & BJP lennirtemi Delhi nung nübo yimtsütsü added by nungsang on
View all posts by nungsang →
You must be logged in to post a comment Login