NE Dancing Best Mom Season 2-2016 takok ngua agiogo

Dimapur, March 27 (TYO) : Tanabuba North East Dancing Best Mom 2016 sentong March 20, 2016 nü Dimapur nung kanga takok angua agiogo. Iba sentong ya Murti Films Pvt. Ltd-i ayong aser Everyday Salt-i sen teyari agütsü, ta Murti Films Pvt Ltd nungi Munna Yadav-i sangdong ka ajanga metetdaktsü.
Iba tetoktepba nung Neera Sarpali-i takok angu aser Sangeeta Choudhury o Gwalina Rengma nati tanabuba aser tasembuba jenjangtem nung takok angu, ta sadong nungsa shia lir.
Tanabuba North East Dancing Best Mom 2016 sentong nung Minister for Art & Culture Ishak Konyak tongti tejaoker aser NPF general secretary (finance), Basu Damani tetushi tejaoker tem liasü.
Iba tetoktepba sentong Mrs India North East, Guwahati, Pooja J. Hanse-i ketdang asü aser tetendangertemji Guwahati nungi Sanjeev Sonar aser Dibrugarh nungi Maushami Sheel na liasü.
Lokti temeten atema inyaker, Neeta Agarwal, actress Roj Longchar, Miss Dimapur First Runners-up 2013, Gihutoli Khulu, Miss North East Diva First runners-up 2013, Sopu aser Miss Nagaland finalist 2013, Venyi Medo nungera iba sentong nung dena liasü, ta kasa sangdong ajanga metetdaktsü.
Munna Yadav-i, “Sangküm tasembuba North East Dancing Best Mom sentong amung dangbo, Bollywood film actor, Govinda jaoktsü tebilemba lir aser tan amungba sentong ayongertem, sen agi yarirtem, nüburtem aser acha awartem den iba sentong amungdang kechisarena nung yariteper ajak dang kanga pelar,” ta sangdong ajangsa metetdaktsü.