NE Ex-servicemen asoshi ‘Pension Adalat’ akatsü

Dimapur, December 04 (TYO): Sainik Welfare & Resettlement, Nagaland nung director aser SM, VSM (Retd), Brigadar KK Roy Choudhury-i, North-East Ex-servicemen tem atema ‘Pension Adalat’ sentong Narangi, Guwahati nung December 7 nungi 8 nü tashi alitsü metetdaktsüogo.

Iba mapang Controller of Defence Accounts Pension, Allahabad (PCDA) ketdangsertemi pension dak sentakba temzüngtem aser inyakyim balala nung yaritsü.

Pension Pay Order (PPO) aser pension dak sentakba maparen nung timtem ajurur, Pensioner Ex-servicemen aser pensioner kinüngtsü (amitsür) ajak PPO photocopy, Pass Book aser nüngdakba kakettem bener arua ‘Pension Adalat’ sentong nung adentsü metetdaktsür, ta KK Roy Choudhury-isa ashi.