NE handloom osettem ajanga alima market koktettsü: Jamir

Tachichilen nungi tanabula, Menty Jamir, Arunachal Press club, Itanagar nung osangbenertem den jembidang tangokba noksa nung angur.

Itanagar, June 11 (Agencies): Nagaland nungi designer Menty Jamiri ashiba agi, alima nung market tem koktettsüsa Northeast nung südakba mapa nung tashi lir. Laisa ashiba agi, NEIFW nung densemba ajanga North east India nung fashion industry, südakertem aser aluyimertem dak temolung lema bilemer. Jamir aser northeast nungi tanga designer tem Tanü Itanagar, Arunachal Press Clun nung osangbenertem den sensaksema liasü.
North East India Fashion Week (NEIFW) edition tasembuba Itanagar nung October 27 nungi 29 tashi akatsü. Iba sentong ajanga northeast tesem nung südakertem aser designer tem nem parnoki yanglutetbatem sayatsü asoshi maongka agütsür.
Designer Yana Ngoba Chakpu shiba NEIFW Chief Operating Officer lir lai NEIFW akatsüba anogo sangdongdang ashiba agi, “Ni northeast designer tem rongnungi northeast tesem ajak nungi südakertem den inyakba designer ka lir. Parnok ajungmesotsü aser parnok den inyaktsü asoshi onoki northeast state ajunga nungi südakertem den mapa inyaker. Tang tashi nung northeast tesem ajunga nung südaker 150 kü den külemi inyakdar.”
Assam aser Nagaland nungi designer tem den külemi südakertem kar dena iba press meet nung shilem agia liasü.