NE India nung maongka aika lir: Dr. Jitendra Singh

New Delhi, November 04 (Agencies): Tanü New Delhi nung World Food India 2017 amongdang Union Minister of State (Independent Charge) of the Ministry of Development of North Eastern Region (DoNER), MoS PMO, Personnel, Public Grievances & Pensions, Atomic Energy and Space, Dr Jitendra Singh “North East India: Organic Production Hub; Opportunities Unexplored” Conference nung dena liasü.
Iba sentong nung jembidang Dr Jitendra Singh-i, atangji North East (NE) India ya maongka aika liaka merajemi aliba tesem ka lir, ta ashi.
Joko tang ya tejakleni aotsü mapang, aser tejakleni koma aotsü, iba telemtetbaji agitsü mapang lir, ta paisa ashi.
Ato kilonser, Narendra Modi leniba nung teinyaktetbatem metetdakja pai, tesüiba küm asem nung North East India nung maongka balala metettsü atema mapatong aika benoka inyakogo, ta Dr Jitendra-isa shisem.
Paisa, “North East India ya tanüngba India den tali tesendaktep ajungtsü atema meranga inyakdar; onoki North East dang nungi angazüktsü aika lir,” ta ashi.
Minister-isa, linük terenlok atema tesem ajak liromedema renloktsü nüngdaker, ta ashi.
North East nung teinyaktettsü aika lir, ta shia Dr Jitendra Singh-i, NE nung aou tapu 50 shi lir, somomo tapu 14 aser tasen aketba süngjang tapu 17 lir, iba den külemi jiru aser naring ama süngjang aika adoker, aser itemji tangaleni yoktsü atema teyari magütsüra amajok asütsü, ta ashi.
Minister-isa, tang Centre nung aliba sorkari Northeast nung railway aser gari lenmang connectivity atema kanga temulung agüja inyaker, ta metetdaktsü.
“Gari lenmang terenlok, talisa sorkari sendoka yutsüba lenmangtem terenlok atema tang mezüng NE nung North East Road Sector Development Scheme (NERSDS) tenzükogo,” ta pai metetdaktsü.
Kasa sentong nung Ministry of DoNER Secretary, Naveen Verma-ia jembia liasü.
Iba sentong nung jembirtem rongnung Dr. A. K. Yadav, Advisor, NAB (Organic), Agricultural & Processed Food Products Export Development Authority, Pankaj Kumar Prasad, Managing Director, North Eastern Regional Agricultural Marketing Corporation Limited aser industry den Start up India kübok lanur entrepreneur densema lir.