NE India nung tzünglu junga arutsü

New Delhi, September 08 (Agencies): Kümshia tzüngluruwa Northeast India nung tzünglu junga arur, ajisüaka takümbo Northeast India nung tzünglu kanga ajema arudar, ta Skymet Weather osang ajanga metetdaktsü.
Tang Arunachal Pradesh aser Manipur na dak alaka tanüngba northeast state tem nung tzünglu kanga ajema arudar.
Tesüiba anogo ishika Mizoram, Meghalaya, Arunachal Pradesh aser Assam state tem nung tzünglu junga arudar.
Bay of Bengal len nungi mopung northeast India tsütsüleni ondar, aser ibaji ajanga maneni taruba anogo 3-4 Assam, Meghalaya aser Arunachal Pradesh nung tzünglu junga arutsü. Ajisüaka NMMT (Nagaland, Manipur, Mizoram aser Tripura) nung maneni tzünglu ajema arutsü ta takzütetogo.
Tang Northeast India nung tzünglu aruba shilem 13 ajema lir.