NE kanga mokonga akümer; Anogo ishika yamai dang aotsü

Guwahati, February 4, 2022 (Agencies): Northeast nung tzünglu aruba ajanga Hokolbarnü kanga mokongogo aser taruba anogo ishika tsüngsang yamai dang asütsü ta Met department-i metetdaktsüogo.

Taruba anogotem Assam aser Northeast kübok tesem aika nung tzünglu arutsü.

Arunachal Pradesh, Assam, Meghalaya, Nagaland, Manipur, Mizoram aser Tripura kübok tesem aika nung tzünglu arutsü ta Met department-i ashi.

“Hokolbarnü Arunachal Pradesh, Assam, Meghalaya, Nagaland, Manipur, Mizoram aser Tripura state tem nung anüngdang temperatures (4-5)°C aser below normal (5-6)°C liasü. Ano aonung temperatures (3-4)°C liasü” ta department-i metetdaktsü.

“Taruba anogotem Arunachal Pradesh, Assam aser Meghalaya den yipru dena tzünglu arutsü aser rü tsüktsü. Ano taruba anogo ishika tsüngda Assam, Meghalaya, Nagaland, Manipur, Mizoram aser Tripura state tem nung tzüsü kanga alatsü” ta Met department-isa ashi.