Ne Kangki Apuang

Idangji Yisui Pa nütsüngtem dang ashi, “Kari Kü sülen arunera, pai pei sasa azüokang aser pei kangki apur kü sülen arung. Mathi 16:24.
Ne kangkiji kecha mashishi na asoshi Tsüngremi mulungba lir. Kangki aputsübaji teshimetetba ka lir; ibai ne tashi dak alia masü. Na temang timtem alitsü akok mesüra tashi manga tanur alitsü akok saka ibaji kangki apuba den taitep. Tiaji mesüra ne mapa nungi adokbaji ne kangki masü. Ne kangkiji kecha taa makai tekümtet asoshi Khrista timatemba shilem agiba lir (Fil. 3:10). Pauli ashi tangar Khristan taküm nung tashi (mature) kümdaktsüba nung Pa timatemba nung pelar (Kol. 1:24).
Yisu Khrista sülen aotsü asoshi mezüngbuba pei sasa azüoktsüla. Tazüokba makai Khrista sülen anidaktsübaji tamakoktsü. Tsüngremer talangzükba atalokdaktsütsü asoshi idakji timtem kar lir. Tekümtet bener arutsü asoshi Khrista timatemba ama na meketa alirtem nem Tsüngremi tekümtet agütsütsü asoshi nai timtem kar aremzüktsüba lir. Nütsüngtemi Yisuji Khrista ta mangatet tashi Yisui nütsüngtem den kangki indang mejembi (Matt. 16:21). Nai tamasa Yisuji Khrista ta mangatet tashi nai kodanga kangki timtem maremzüktsü. Kodang nai Khrista den tesendaktep yangludir, Pai ne dang ne kangki sayutsü.
Kangki medeni Khristan yimsü mali. Timtem makai nai Khrista den tesendaktep akatsü atara mesüra ne mapang tajung atara, Khristaji ne taküm ta nai kodang meshitettsü. Na asoshi Tsüngremi mulungba nung kangki dena lir. Mezüngbuba, ne kangki apuang; idangji nai Pa anidaktsü.