Ne Lenmangtem Onok Dang Sayuangma

~ K. Imliyanger Jamir, Erali bill, Dimapur.

Onok ne tsüngdang temsüa akümtsüsa;
Ne lenmangtem onok dang sayuangma,
Onok jakdang ne taochi ngura,
Na tatenba onok den teti alitsü,
Idangji onok nela anisungzüktsü.

Ne lenmangtem onoki mungura,
Ne taochi onoki koda ngutet,
Ne taochi onoki mungura,
Onok ano talenba tanela küpok alir,
Onok ne jakdang taochi angurtem kümdakjang;
Aser ne lenmangtem onok dang sayuangma,
Na onok den ali nung dang;
Onok ne jakdang taochi angurtem sütet,
Ne taochi onok asoshi teperiba mekümra,
Nai onok dang taochi nguogo ta meshitet,
Onok ne jakdang taochi angutsü asoshi,
Ne lenmangtem onok dan sayuangma.
Kechiaser ne lenmangtem ochi lir.

Nai onok metet nung dang,
Ne taochi onoki angutsü,
Onok ne lenmangtem nung taochi nguogo ta nai shira,
Onok dang ne sentsüwangshi sayuangma,
Kechiyong nai onok tenüngtem junga metet,
Saka nai onok tenüngtem junga memetetra,
Onok shir meyong asütsü?
Ne lenmangtem onok dang sayuangma.
Khrista nung Tsüngrem jungkai adok
Saka tamanger aikati aji mangatet-
Aser mejangjar;
Ne lenmangtem onok dang sayuangma.

You must be logged in to post a comment Login