Ne menen tokogo (Mk. 2:5)

Aser joko nisung shiai pei kiyonger dang aser nisung shiai pei adianu dang Kibubaji metetang ta mashitsü, kechiyong parnok ajaki ni metettsü, parnok tilatiba nung tulutiba tashi, ta Kibubai ashir, kechiyong ni parnok tai atoktsü, aser parnok tai joko ni mebilemtettsü (Yr. 31:34). Shibai temenen atoktsü akok? (Mk. 2:7).
Ni shibai pei meyong asoshi ne ozüng raksabatem aidoktsür, ni lir, aser ne menentem mebilemtettsü (Isa. 43:25). Shiba ozüng raksaba asoshi tatok nguogo, shiba temenen nembang, pai moa. Shiba nem Kibubai tai magütsür, aser shiba shisatsü nung tekülak mali, pa temoatsüba (T.ken 32:1,2). Tai temenen atokba na mesük Tsüngrem shiba ali? (Mika 7:18).
Aser medemer o medemer na meimtepa kümli jungtepa liang, aser kechi koda Tsüngrem Khrista nung nenok tai atok, yamaji nenokia kati ka dang tai toktepang (Ef. 4:32).
Saka Pa koda tesangwa lir, aji oda nenoki tesangwa nung jajara, asenok medemer o medemer na telungjem kar, aser Pa chir Yisu zü agi temenen ajak merükdaktsür. Aser temenen mali ta asenoki shira, ajangla asenoki asenok sasa kelaker aser ochiji asenok dak mali. Asenoki asen temenen nangzükra, asenok dang asen temenen atoktsü aser memeshiba ajak nungi asenok merükdaktsütsü. Pa temulung lemtetba aser temeshi lir (1 Yn. 1:7-9).
Aser anudoklen nungi anü olen tashi koma talang ali, papigaji asen ozüng raksaba asen nungi pai agientsü (T.Ken 103:12). Kechiyong nenok madak temeneni yimsü masütsü, kechiaser nenok ozüng kübok masü, saka taochi kübok lir. Aser temenen nungi nüji kümdakja nenok temeshiba lartem aküm (Rom 6:14, 18).
O Tsüngrem, ni temenen lar lia, Ne taochi temeim agi nüji kümdaktsü nung Ne tenüng asanger. Amen.