NE nung Bodbarnep menoknok anok

New Delhi, April 24 (Agencies): Bodbar anepdang yakta Arunachal Pradesh nung menoknok ka anok, ta US Geological Survey-i metetdaktsü.
Iba menoknokji tanep 1.45 ako meta Assam aser China, Tibet o Myanmar nunga anok.
Richter scale nung 6.1 tashi asadangtetba menoknok tiyongtsüji Along nungi kilometer 40 aser state yimtiba Itanagar nungi kilometer 180 shi pilar liasü.
Nepal yimtiba Kathmandu nunga tanep 6.14 ako meta Richter Scale nung 4.8 asadangtetba menoknok anok.
China indang official state news agency Xinhua-ia menoknokji Tibet nung anokba metetogo, ta osang metetdaktsü.