NE nung Governor tasen 3 shim

Shillong/Guwahati , Luroi (August) 22 (Agencies): Meghalaya Governor Ganga Prasad mapa belenogo aser Sikkim Governor inyaktsü shim.
Prasad melena Tripura Governor Tathagata Roy mapa belen aser pai Meghalaya Governor inyaktsü.
Maneni, Haryana Governor Kaptan Singh Solanki-i iba mapa toktsür Tripura Governor inyaktsü.
Bihar Governor Satya Pal Malik mapa belena Jammu & Kashmir Governor ama inyaktsü aser Uttar Pradesh Lalji Tandon-i Bihar Governor mapa repsema inyaktsü.
Taoba Bihar Minister Satyadev Narayan Arya-i Haryana nung Governor inyaktsü shim aser Baby Rani Maurya-i Uttarakhand Governor mapa inyaktsü.
Maurya ta taoba mapang Uttar Pradesh BJP indang State secretary liasü.
Rashtrapati Bhavan sangdong ka nung ashiba agi, Governor temi pei pei office nung mapa benlokba nungi parnok indang appointments mapang tenzüktsü.
Taoba Prime Minister Atal Behari Vajpayee masüdang ghonda ishika jakdang Meghalaya Governor inyaktsü shimba Tathagata Roy-i pa indang Twitter handle nung Vajpayee asüba osang ka lemsatepba sülen nisungtemi pa aitsü.
Iba mapang Roy-i Vajpayee tushia olen kar zülu. Ajisüaka, iba osang sangdongba sülen Roy-i pa aibelenba metet aser tatok meshia zülu.
All-India TV channel kati Vajpayee asüba osang sangdongba nung ajemdaker pai iba osang metetdaktsü ta Roy-i ashi aser taoba PM Vajpayee indang tweet agien.