NE nung kiralongra mapa inyaktsü akok : Rijiju

Guwahati, July 25 (Agencies) : Assam aser tanga northeast state tem nung jihadi kiralongrartemi ozüng alema mapa inyaktsü ana nung lir, ta Deobarnü Union minister of state for home affairs, Kiren Rijiju-i ashi.
India kübok northeast tesem ya international arrtsütem anasa lir aser iba jagi kiralongrartemi mapa inyaktsü meteta mali, ta pai metetdaktsü.
Iba tesem nung kanga kümdanga alitsü osang sangdongogo aser security maparen akangshiogo, ta Rijiju-isa shisem.
“Assam aser northeast ajunga ya lendong melamela ataloktsü aliba tesem lir. Northeast nung shilem tuluka tanga linüktem den arrtsüa lir. Iba tesem nung jihadi maparen inyaktsü zübazübar. Lendong nungi kümzüktsü atema security maparen akangshiogo” ta pai metetdaktsü.