NE nung kodamasüba tia nung dang army amshir:Gen JJ Singh

Imphal, Apr 27  (TYO) :   Northeast nung army amshiba ya mapa ajak inyakdanger makok aser kodamasüba mapang nung dang amshir aser kodang tensa tajungba kümdir army yoka alibaji agientsüla ta taoba  Army chief  aser taoba Arunachal Governor, Gen JJ Singh-i metetdaktsü.
Tanü yangi Imphal nung osangbenertem den jembidang, Manipur aser tanga Northeast state-tem nung kodamasüba tia nung dang sorkari army amshir aser kodang tensa tajunga kümdir ano meyipa odaktsütsüla ta JJ Singh-isa metetdaktsü.
Paisa Northeast nungi school tanur 100 nem Aryans Group of College, Chandigarh nung  scholarships  agütsütsü ta metetdaktsü.
Tepetzük tia nung alirtem nem teyari agütsütsüla aser taruba küm 10 tashi nungbo linük nung mazüngmashiba purtem kata mali akümtsü ta paisa ashi.
Arunachal Pradesh nung governor mapa inyakdang pai tsürabur malir lajar ana  Dehradun nung school ka nung yutsü aser tang tenaji kanga junga züngdaktsüdagi ta Gen. JJ Singh-isa metetdaktsü.
Aryan group of Colleges nung mendenbuba, Dr Kataria-i ashiba agi, Northeast nungi kaketshir 100 nem 50 per cent scholarship agütsütsü aser tanüngba senji  banks nungi aputsütsü. Iba scholarship atema nisung shimdang tatidang agir shitakba tajungertem dang shimtetter yoktsü.