Shillong, January 29 (Agencies): North Eastern Council (NEC)-i North-East Road Sector Development Scheme (NERSDS) kübok Northeast nung state tenet nung gari lenmang kilometer 615 yanglutsü atema sen lemzüktsüogo, ta tanü Shillong nung ketdangsertemi metetdaktsü.
Iba scheme tasen kübok tang mezüng NEC-i project tulu ka agizükogo, koba ajanga gari lenmang 14-i kidanger state tem sendakteptsü, aser mapatemji 2017-18 küm inyaktsü, ta parnokisa ashi.
NERSDS ya, sendoka yutsüba lenmangtem anepalutsü, yanglushitsü aser ajungkettsü nükjidong nung yangluba scheme lir, ta NEC secretary, Ram Muivah-i ashi.
Iba scheme kübok kilometer 67 talang Mebo-Dholla lenmang agi Arunachal Pradesh aser Assam sendakteptsü, kilometer 51 lenmang agi Tening (Nagaland) aser Lekie (Assam) sendakteptsü, National Highway 202 aser NH 150 tajungba küma yanglushitsü aser Nagaland nung Longmisa ajanga NH 2 nungi Dikhu apu tajungba küma yanglushitsü.
Meghalaya nung Mendipathar ajanga Damra nung NH 217 o NH 127 sentakateptsü densema lir.
Mizoram nung Kawnpui-Bairabi lenmang, Tripura nung Belonia-Amlighat-Sabroom lenmang, Longleng nungi Tuensang lenmang tajungba yanglushitsü aser Udalgiri district nung Dhansari ayong nung RCC apu densema lir, ta parnokisa metetdaktsü.
NHIDCL dang, DPR renemang aser taküm item projects inyakang ta tuyuogo, aser Sikkim nung lenmang ka densema tanüngba project 8 sangküm inyaktsü.
You must be logged in to post a comment Login