NE nung mezüngbuba BJP sorkar tenangzükba agiogo

Guwahati, May 24 (Agencies) : Mongulbarnü BJP lennir Sarbananda Sonowal-i Assam Chief Minister inyaktsü atema tenangzükba agiogo.

Assam nung sorkar tasenbaji North East nung mezüngbuba Bharatiya Janata Party (BJP) sorkar asütsü.

Sonowal den Himanta Biswa Sarma nati Prime Minister Narendra Modi aser taoba Assam CM Tarun Gogoi nati anir lennir aika adenshia lia tenangzükba agi.

Guwahati nung aliba Veterinary College nung tenangzükba agiba sentong ayongzüka agi aser iba sentong nung PM Modi, BJP president Amit Shah, BJP lenir LK Advani, Union Minister-tem rongnung- Rajnath Singh, Venkaiah Naidu, Suresh Prabhu aser VK Singh, NDA-i yimsü asüba chief minister temi anir VVIP 100 den tema dena liasü.

Sentong nung PM Modi-i Sonowal nem tenüngsang agüja jembidang, “Tribal kin nungi lennir ka, loktiliba atema bendanga agüja inyakba lennir ka tang Assam nung Chief Minister akümer” ta ashi.

“Sonowal-i anir par teloki Assam nung temelenshi adokdaktsütsü atema nendaka inyaktsü ta ni tamang akar. Centre sorkari linük nung sorkar ajak külemi ketdangsüba mapa inyaknür aser iba ajanga state tem nem tashi talila agütsünür” ta Modi-isa metetdaktsü.