NE nung National Highway project 4 inyaktsü

Imphal, November 27 (Agencies) : Ministry of Road Transport and Highways (MoRTH)-i North East tesem nung National Highway mapatong pezü inyaktsü temelaba agütsüogo.
Mapatong pezüji Manipur nung ana aser Nagaland o Arunachal Pradesh nung ka ka lir.
National Highway pezü indang tasazükji 112.88 kilometres lir aser sen crore 1173.98 endoka yanglutsü.
Mezüngbuba mapatong indang tasazükji 47.67 kilometre lir aser iba ya Manipur kübok NH 39 (Mao-Imphal section) nung sen crore 230.46 endoka yanglutsü.
Tanabuba mapatongjia Manipur nungsa lir aser tasazükji kilometer 27 NH 39 (Mao-Imphal section) nung sen crore 139.87 endoka yanglutsü.
Arunachal Pradesh nungi mapatongji NH-415 nung Itanagar nungi Banderdewa section nung kilometer 10.9 4-laning atema lir aser iba nung sen crore 341.83 enoktsü.
Tatemsa Nagaland nung mapatongji, Dimapur aser Kohima nung NH-39 city portion kübok kilometre 27.3 yanglushitsü atema lir aser iba nung sen crore 461.82 endoktsü.