NE nung project 652 tembanga inyakogo: DoNER minister

New Delhi, Yimpoksüi/November 28 (Agencies): Northeastern state tem nung current fiscal mapang sen crore 1728.04 alang projects 652 tembanga inyakogo.
DoNER Ministry-i 2019-20 atema northeastern state tem nung national project balala asoshi sen sanction asüba shilem 57.60 indokogo.
“2019-20 atema Ministry of Development of North Eastern Region (DoNER) nem sen crore 3000 lemzüktsü. November 21 nü tashi nung sen crore 1728.04 indokogo,” ta DoNER minister Jitendra Singh-i Rajya Sabha nung Brehostibarnü tezüluba nung telangzüba agütsü.
Paisa, sanctioned project 657 nungi 652 tembanga inyakogo, ta ashi.
“Ministry-i submission, monitoring aser project tem inyakzükba sülen asadangtsü asoshi online e-portal cum project management system ka benoka lir aser iba ajanga project tem mapang shidak nung tembangtsü atema senotsü aser inyakyim ajak asadanga anidaker,” ta Dr Singh-i ashi.
Paisa, ministry-i Northeast state ajak atema joint secretary kaka chief nodal officers ama aser director jenjang nung aliba nodal officer kaka shimja lir aser parnok yagi state ketdangsertem den longjemer mapa takaratiba nung tembanga inyaktsü asoshi asalendong yanglur, ta ashi.