NE nung telungpur khuret koktetogo: Rajnath Singh

Guwahati, April 26 (Agencies): “Ni home minister ka ama inyaka arudang Northeast nung telungpur khuret tulu ka azüoktetogo” ta Rajnath Singh-i ashi.
Maneni, linük nung Naxal inyaksangshi sama odar, ta paisa shisem.
“Northeast nung telungpur khuret aser linük tesem kar nung Naxalism azüoktsü atema ni home minister ka ama mapa inyak. Northeast nung telungpur maparen joko anenogo” ta Union Home Minister Rajnath-i osangbener dang ashi.
Bharatiya Janata Party (BJP)-i maneni sorkar akümtsü kechiyong nisungtemi Narendra Modi-i sorkar junga ketdangsüba aginür, ta paisa ashi.
“Tesüiba küm 5 tsüngda Modi-i national aser international jenjangtem nung linük len anir aruba ajanga tan elections nung onoki pezüsü nungi asemsü nung takok angutsü” ta Rajnath-i metetdaktsü.