NE nung tensa tajungba kümogo: Rajnath

Narmada (Gujarat), Luchii (December) 21 (Agencies): India indang internal security aser talisa North-East o Left Wing Extremist (LWE) aliba state tem nung tensa tajungba kümogo, ta Union Home Minister Rajnath Singh-i ashi.
Taoba küm ishika tsüngda North-East tesem nung tensa tajungba kümogo aser 2017 dang nungibo 2018 küm ozüng alema inyakba mapa tajemba liasü, ta pai ashi.
“Taküm ozüng alema inyakba asadangba nung 17% aser civilian tem asüba 38% tajemba liasü” ta Director Generals aser Inspector Generals of Police indang mungdang nung jembidang Rajnath-i metetdaktsü.
“India-i Myanmar den security dak sendakba tebilemtsütem lemsatepogo aser parnok den shishilembaba maparen tajungba akümtsü atema mapa inyaker. Telungpur telok aika asenok den kidanger linüktem aser talisa Myanmar nung tesep amenoka lir. Item linüktem den sendentem amendang tebilemtsü lemsatepogo. Indo-Myanmar arrtsü dak sendakba onüktem atema MHA-i Inter-Ministerial Committee ka tentetogo aser parnoki Free Movement Regime atema mapa inyaktsü” ta Home Minister-isa ashi.