NE nung tsünüsenbongba mapa ajungkettsü atema yariteptsü : Union Minister

The Union Minister for Agriculture and Farmers Welfare, Shri Radha Mohan Singh in a meeting with the officials of the Agriculture & Allied Sectors of the Government of Mizoram, in Aizawl on June 19, 2016. — June 19, 2016 nü Mizoram yimtiba, Aizawl nung Agriculture & Farmers Welfare Union Minister, Radha Mohan Singh-i Mizoram sorkar nung Agriculture & Allied Sectors ketdangsertem den senden amenba noksa nung angur.

Aizawl, June 19 (Agencies): Northeast tesem nung Centre sorkari tsünüsenbongbaren ajungkettsü atema teyari agütsütsü, ta Union Agriculture & Farmers Welfare Minister, Radha Mohan Singh-i Deobarnü metetdaktsü.
“Tenemtem aliba Northeast tesem nung centre sorkari tsünüsenbongba mapa tajungba kümdaktsütsü atema inyaktsü,” ta tanü Mizoram kübok Thenzawl nung Horticulture College lapoktsü atema lung azünga yutsüba sülen Union Minister-i ashi.
State 8 agi akümba northeastern region nung temo aketba ali lir, anungji tsünüsenbongba maparen kanga junga inyaktettsü, ta paisa shisem.
Radha Mohan Singh-isa Mizoram Chief Minister, Lal Thanhawla den ajurutep aser Mizoram o tanga northeast state tem nung agricultural development, farmers welfare aser technology indang onüktem lemsatep.
Union Agriculture Minister-isa Chief Minister dang Mizoram nung ita asem tsüngda Vocational Training Institute aser Multi-Technology Testing Centre lapoktsü ta nangzükogo, ta sorkar sangdong ka nung metetdaktsü.

NE nung tsünüsenbongba mapa ajungkettsü atema yariteptsü : Union Minister added by asungba on June 20, 2016
View all posts by asungba →