NE nunger kati USA nung ‘Al Bruno Memorial Country Guitar Scholarship’ angu

February 11, 2017 (Agencies): Guwahati, Assam nungi tang MI Guitar Programme nung tezüngdak, Bhargav Choudhury-i Musicians Institute (MI) nung ‘Al Bruno Memorial Country Guitar Scholarship’ angu.
Bhargav ya India nung ‘blues’, ‘rock’, ‘pop rock’, ‘metal’ aser ‘funk’ ken nung guitar atemba aser tangazükba balala agia liasü.
“Alima nung guitar indang tangazükba agütsüba sentong ya MI nung tajungtiba lir, tesayurtem tajung lir aser campus nung nüngdakba oset teperi lir. Ne MI nung azüngba ajanga shisatsü tasen angutsü aser iba iba ajanga ni guitar atemer tajung ka akümtsü imlar,” ta Bhargav-i ashi.
“MI nung ni maneni ken balala angazüktsü aser iba nung kü indang kentem inoka yanglutsü, aser ni ‘live performance’ atema iba reju nungi tangazükba balala angutsü jangrar,” ta paisa shisem.
MI nung azüngba sülen, Bhargav ya alima sema pa sasa yangluba ken tema jajatsü nükjidong lir, ta ashi.
‘Al Bruno Memorial Country Guitar Scholarship’ ajanga sempet aketba lanurtem nem teyari aser tangazükba balala agütsür.