Ne ochi nung ni aniang, aser kü dang sayuang (T.Ken 25:5)

Aji saka kodang ochi tanela arudir, Pai ajak ochiba dangi nenok anitsü… aser kechi tarutsü lir, item indangji Pai nenok nem metetdaktsütsü (Yohan 16:13) aser nenokbo temeshiba nungi mezüja shimtetba angu, aser nenoki ajak metet (1 Yohan 2:20).

Tesayuba aser kuli dangi oang! Atangji, parnoki iba O amaji mejembira parnok asoshi anepdang maka (Isa.8:20). Tsüngrem meyong nisung tabensa küma aser mapa tajung ajak asoshi jungjunga abensatsü asoshi, Tsüngremi apuoktsüba Lai shia ano tesayutsü, tarütsütsü, metongshitsütsü, temeshiba nung aliba sayutsü asoshi tajangzük lir (2 Timothy 3:16,17). Saka koba temeshi Lai agi Khrista Yisu dak amangba ajanga tekümtet atema na tashi temetet kümdaktsütsü akoker, aji nai lanuwa nungi meteta lir (2 Tim. 3:15).

Koba jenjang nung na aotsüla lemangji atema Ni ne dang ashitsü aser sayutsü; Ni kü tenük ne dang yur sayutsüngitsü (T.Ken 32:8). Tenük temang milen lir. Anungji ne nük junga lira, ne mang ajak sangwatsü (Mathi 6:22). Kari Pai mulungba inyaktsü mulungra, Ni sayuba ya Tsüngrem O asü, ni pei sasa nungi jembir, aji Pai metettsü (Yohan 7:17).

Aser yangji lendongbang, aser lemang ka alitsü, aser iba dang, Temeshiba lemang ta ajatsü, memerükeri iba lenmang ajanga mesüitsü, saka aji Pa nübur parnok aodang parnok asoshi alitsü, tamashi nisung shinga yangji menemzütsü (Isa.35:8).

Oba, Ne O ajanga ni aotsüba lenmang sayu nung Ne tenüng asanger. Amen.