Ne sempettem Tsüngremi asoshi amshiang

Kechiyong shibai pei temulung chia inyakdaktsütsü asoshi nenok dak temulungtettsü aser teinyaktsü anaprongla adokdaktsür Paji Tsüngrem (Filipi 2:13).
Onok pei sasa nungi langka lir ta onoki mebilemer mesüra onok sasa teperi lir ta masü saka Tanelai taküm agütsür (2 Korint 3:5). Yohani langzüa ashi, “Kotak nungi nisung nem kechi agütsür iba dak alema Pai kecha agütsütsü makok.” (Yohan 3:27). Ni tenyaba Tebui mesüra shingaia Kü dangi arutsü makok aser tatem anogo nung Ni pa shia arudaktsütsü (Yohan 6:44). Aser parnoki teti Kü dang tsübutsü asoshi, Ni parnok nem temulungjang ka aser lenmang ka agütsütsü (Yr. 32:39).
Kü meimba adianutem, nenok tekelakokdaktsüma. Sempet tajung ajak aser tabensaba sempet ajak temaba nungi lir aser tesangwa Tebu, shiba melenshiba aser meyipshiba akhüm mali, Pa nungi item ajak lir. Pai yangluba rongnung mezüng tejang tapu ka asenok asütsü asoshi Pai pei mulungba amato ochi O agi asenok südaktsü (Yakob 1:6-18). Kechiaser Pai teyangluba mapaji asenok aser koba mapa tajung nung asenoki jajatsü Tsüngremi alemli renem, iba mapa tajung asoshi Khrista Yisu nung asenok yangluoko (Ef. 2:10). Kibuba onok asoshi tesünep yanglujangma kechiyong Nai onok mapa ajak onok asoshi inyakogo (Isah. 26:12).
O Kibuba, Nai agütsüba sempet Ne sentsüwangshi asoshi amshitsü kü dang sayuangma. Amen.