NE state tem nung tsüngsang majungtsü

Guwahati, February 16 (Agencies): Northeast India kübok Assam aser Meghalaya tsütsü mopung talem den tzüsü dena aoner aser iba ajanga tesem kar nung tzünglu arutsü akok.
Iba ajanga Northeast nung mepet kanga adoker aser tesem aika nung tzünglu arutsü ta osang ajanga metetdaktsü.
Nagaland, Manipur, Mizoram aser Tripura kübok tesem kar nung tzünglu arutsü. Tzünglu aruba den külemi Arunachal Pradesh, East Assam aser North Nagaland kübok tesem kar nungbo rülong tzüktsü akok.
Iba tsüngsang-mopung ya ghonda 24 shi sülen süia aotsü. Ajisüaka, taruba ghonda 48 shi ka tzünglu terara arubabo manentsü.
Northeast India kübok tesem kar nung anepdang yakta tzüsü alatsü, anüngdang temekong asütsü aser aonung talemba akümtsü ta osang ajangasa shisem.