NE state tem nung tzünglu sashia arutsü

Pune, April 23 (Agencies): Taruba ghonda 24 tsüngda Arunachal Pradesh, Assam, Meghalaya, Nagaland, Manipur, Mizoram aser Tripura state tem tesem-tesem nung tzünglu sashia arutsü.
Kasa mapang nungsa Assam, Meghalaya, Nagaland, Manipur, Mizoram, Tripura aser Sikkim state tem tesem-tesem nung tsüngmok tesashi den yipru aittsü.
Iba mapang nungsa Odisha, Jharkhand aser Telangana  state tem tesem kar nung kanga tatsük asütsü. Iba den külemi Gangetic West Bengal, Bihar, Vidarbha, Andhra Pradesh tzüyimkümlen aser Tamil Nadu tiyonglen tesem kar nung kanga tatsük alitsü.
Tesüiba ghonda 24 nung Arunachal Pradesh, Assam aser Meghalaya tesem aika nung yipru mopung den tzünglu sashia aruogo.
Anüngdang Jharkhand, Andhra Pradesh tzüyimkümlen, Telangana aser Tamil Nadu den Gangetic West Bengal aser Odisha nung temperature tali liasü.
Temperature timtibaji Odisha kübok, Titlagarh nung 47.5 degree Celsius liasü.