Ne taküm kuli kar den lemsatepang

Kibubai na asoshi mapa koda tulu inyak, aser Pai ne dang koda yimlibilem parnok dang shiang. Mark 5:19
Alima nung Tsüngrem medeni taküm kuli merasatetbaji tashi taittiba lir! Nüburi ne tesayuba magizüktsü akok aser ne arogo aitsütsü akok, saka ne taküm kuli nungji talila ka lir! Mapang balala nung terokben dak tali Paul tsükchir telok nung noktak, aser item mapang ajak nung pai pa taküm kuli agütsü. O atettepba, mesüra langzüktepba mali – pa taküm kuli dang agütsü.
Alima nung arogo tulutiba pastor David Yong-gi Cho tetsür ka taküm kuli ajanga Khrista dangi anir aru. Pai iba tetsür ken dang ajuru aserbo joko kodanga majuru.
Ne taküm kuliji kodang na anogo shia aliba taküm yimya jagi medangdir ne taküm kuliji tesüngmangtsü ka asütsü! Nai ne otsüji tongmelang agi dang tangar den lemsatepyong parnoki ne otsüjibo temulung agüja angatsü. Saka nai kodang aji inyakdir item onük pezü bilemtettang:
1) Ibai jangratemtsü südakjang. Parnok dang tatsü küma shiang. Yisu indang ashidang tangari laktettsüsa tejembi.
2) Telatet süang. Telemsa asem nung bilemdang: (a) ibai koda amshitsü;(b) Nai Yisu koda ajuru; (c) tang aji koda lir.
3) Ochi süang, “Kodang na Khristan kümdar tebilemtsü makatsü” ta tejembi. Ibai tongpang raradak ka lir, asayadak masü; anungji nai tang tashi merangdaki ta tangar dang metetdakjang. “Alima nung aliba dang nungi ne dak shiba lir Paji tuluba lir” ta bilemtettang. (14:14).
4) Mulungso liang.
Menürema metsüji prokang aser alurubaji Tsüngrem nem tokjang.