Ne Tenük Rangketa Yokang – T. Ken 123:1-4

Ne tangatetba nung timtem lira, azüklen rangketa yoktsü merangnang. “Ne dangi kü tenük rangketa yoker, O na, shiba anüng tem nung alir” (t.1).
Kibuba dangi ne tenük rangketa yokba tetezü kechi ? Mezüngbuba, ibai Pa tematiba tashi ta metetba lir. Asenoki asen tenük temalen rangketa yoker kechiaser Pa asenok dang nungi temaba. Isaia pa tenük Tsüngrem chuba menden nung ranglok aser Tenla Kidang Pa temaba nung ajungketa angu (Isa.6:1). Pa tematiba master lir; asenok Pa kilirtem lir. Pa Teyanglur; asenok teyanglubatem lir. Pa kotaker Tebu; asenok Pa chirtem lir.
Asenoki Pa teperiba ta agizüker. “Ajiang, kilirtem tenük pei teka kibur teka repranga ali ama, kilitsürlai pei kiburla teka repranga aliba ama; yamaji onok tenük Kibuba asen Tsüngrem dang, Pai onok dak taochi maka tashi repranga alir” (t.2). Pa teperiba asü nung asenoki Pa dak repranger. Asen nüngdak ajak Pai agütsütsü akoker. “Kü Tsüngremi Khrista Yisu nung Pa sentsüwangshi nung Pa rongsen yari nenok tenüngdaktsü ajak agütsütsü” (Fil.4:19).
Tasembuba, kodang asenoki asen tenük Kibuba dak ranglokdir, asenoki Pa temoatsütem agizüker. “Onok dang aochiangma, O Kibuba, onok dang aochiangma,” ta ken züluri tekong 3 nung sarasadem. Tsüngremji tagütsünü, tajung aser tabensa sempet agütsüba Tsüngrem lir. “Nenok mejungia, nenoki nenok chirtem nem sempet tajung agütsütsü metetra, nenok Kotaker Tebu shiba kotak nung lir Pa dang meshirtem nem Pai koda tajungba magütsütsü!” (Mathi 7:11).
Tanü nai temaba Tsüngrem metettang. Pai azüoker. Pa teperiba angatettang. Tanü na kechi nüngdaker Pai agütsütsü akok. Pai agütsüba agizükang. Shirnoki parnok inyakba ajak nung Pa sentsüwangshidaktsür,