NEC-i ayonga senden amen

Shillong, April 06 (Agencies): April 5, 2017 nü North Eastern Council (NEC), Secretariat, Shillong nung senden ka ayongzüka liasü, aser iba senden nung NEC-i North East Region nung lenla ajaklen terenlok alitsü atema benokba, Draft Regional Plan nung o lemtepa liasü.
Iba senden nung NEC-i India kübok Regional Heads den o lemtep. ICAR, Ministry of Health, Airport Authority of India, NESAC, UGC, Ministry of Power, MSME, Sports Authority of India ama India sorkar tentettem nungi züngsemtemi iba senden nung shilem agia liasü.
Iba senden mendenbuba aser NEC züngsem, C.K. Das-i, North Eastern Region atema sustainable regional plan benok aser tesem nung inyakba sorkar tentet balala aser state sorkartem nungia shilem agia liasü.
NEC Secretary, Ram Muivah-i shilem agirtem pelaa agizüka liasü aser paisa NEC mapatongtem indang tongmelang agi metetdakja liasü.