NEC-i “Vigilance Awareness Week-2016” amunger

Dimapur, November 1 (TYO) : North Eastern Council (NEC), Shillong-i October 31, 2016 nü “Vigilance Awareness Week-2016” tenzükba sentong ka ayongzüka agi.
Vigilance Awareness Week ya October 31, 2016 nungi November 5, 2016 tashi amunger aser NEC-i “Public Participation in promoting Integrity and eradicating Corruption” omen nung ajemdaker sentongji ayongzüka agi.
Vigilance Awareness Week nung essay writing competitions aser vigilance awareness olemtep sentongtem atonga lir.
Sentong lapokba anogo nung Secretary, NEC, Ram Muivah-i anir NEC Officers aser Staff temi Hindi aser English oshitem nung tenangzükba agi.