NECCC senden nung NPCC aden

Dimapur, February 28 (TYO): Nagaland Pradesh Congress Committee (NPCC) nung teshimtet telok kati North East Congress Coordination Committee Meeting (NECCC) nung aden.
Iba senden ya Assam Pradesh Congress Committee-i February 26, 2019 nü Guwahati nung ayonga men.
NPCC President K Therie aser Working President tem Khriedi Theünuo, E T Ezung aser Bobby Panicker nungertemi anir PCC, DCC aser frontal ketdangertem aden.
Senden nung AICC president Rahul Gandhi-i North East state balala nungi arurtem ayongzüka jembi aser jenjang ajak nung party akangshitsü atema pai ashi.
Senden nungsa Citizenship Amendment Bill aser Northeast nung lisopurtem kümzüka ayutsüba indang onüktem den tanga onük aika jembi. Talisa, core committee senden nung Congress indang expert committee ka dang Forest Rights Act aser Supreme Court-i NE region atema tuyuba onüktem shisadangtsü atema mapa lemzüktsü, ta Working President, NPCC Khriedi Theünuo-i ashi.