NEDFI -i Naga nunger shishilembar 3 nem sempet agütsü

Dimapur, Aug.14 (TYO) : Nagaland nung peisasa apiteta mapa inyakdak lapoka mapa kanga junga inyaka aoba reprangteta Naga nunger asem nem North Eastern Development Finance Corporation Ltd (NEDFI), Guwahati ajanga “NEDFI Award’ agütsüogo.
Iba sempet angur asemji MS.Echahaba Tea Grower Society Ltd nung mendenbuba Dr.Aotoshi, M/S.Country Craft, Dimapur nung kibur Wb.Aolemba Longkümer aser M/S/Bumble Bee Pre school nung kibur Wb.Kopele Tepa nungertem liasü.
Noreast state ti nungi NEDFI ajanga yaria lapokba mapa inyakdak tesemtem rongnung iba sempet ya parnok 20 nem agüja liasü.
Iba sempet ya NEDFI tenzüker taküm August 9, 2015 nü küm 20 ajungba tenüng nung nung NEDFI House, Guwahati nung agüja liasü.
Northeast nung NEDFI teyari agia mapa tenzüka inyakertemi takok ngua inyakba ngua parnok dang pelaba temaitsü aser ano maneni tajungba inyaktsü asoshi ajungshia iba “NEDFI Award, 2015′ ya agütsüogo ta sangdong ka ajanga NEDFI Branch, Dimapuri metetdaktsü.